أسوأ جريمة سرقة فى العالم
وتتكرر كل 5 دقائق تقريبا
بسم الله الرحمن الرحيم
أنا حتكلم معاكم عن موضوع خطير جدا يا شباب
لو مستعجل .. إفضى وتعال D:
الموضوع ده بالذات محتاج واحد رايق
ياعم قول خلصنا .. إحنا فاضيين للمقدمات دى .. إيه الموضوع ؟!!
ممكن أسألكم سؤال ؟؟
ياريت الكابتن ده يجاوبنى
أيوه إنته
تعرف تقولى من هو أسوأ حرامى قرأت عنه ؟؟
عادى يعنى .. كل الحراميه وحشين
وسيئين جداً
أقولك مين ولا مين ..
على علوكا
ولا أشرف كوخا
ولا عباس المخربش
ماشاء الله .. سقفولوا يا جماعه
الإجابة غلط طبعاً
آه آه .. عرفت .. أكيد قصدك على المعلمين الكبار
قصدك مين ؟؟
المعلم حموقه حرامي البنوك
أو الواد بلية حرامى العربيات
برده الإجابة غلط
وبعدين إنتوا عرفين الناس دى إزاى ؟؟ !!!!!!!!
إمال إنته قصدك على مين
أنا جبت كل الحرامية اللى إحنا عارفنهم
إوعى بس يكون قصدك الواد فهلوة
آه فعلا .. ده أكبر حرامى فى البلد
ده عامل الشهر اللى فات أكبر عملية سطو مسلح
سرق فيها قطة
إتفضل إقعد ..
دماغك راحت بعيد خالص
أنا قصدى على واحد محترم خالص
ومن المحافظين على الصلاة كمان
وهى دى مشكلته
مشكلته إنه بيصلى .. ولكن للأسف حرامى
مش بيسرق من جيوب الناس فلوس
ولكن بيسرق حق ربنا
وده مش كلامى
ده كلام النبى صلى الله عليه وسلم
قال " أسوأ الناس سرقة الذي يسرق من صلاته
قالوا يا رسول الله كيف يسرق من صلاته
قال لا يتم ركوعها ولا سجودها أولا يقيم صلبه في الركوع ولا في السجود " .
ياااااه
ياترى إحنا كده .. ياترى إحنا بنسرق فى صلاتنا
قف وقفة مع النفس
وافتكر قائمة الحرامية التى ذكرتها قبل قليل
وضع نفسك - إن تعجلت فى الصلاة - على رأسها
فأنت أسوأ الناس سرقة !!
- طيب الخشوع ده سهل .. واللا ايه ؟؟
_ حقولك اه سهل
- طيب .. كيف أخشع فى صلاتى ؟
للخشوع فى الصلاة مقدمات
سئل حاتم الأصم (رحمه الله) كيف تخشع في صلاتك؟
فقـــال : " بأن أقوم واكبر للصلاة
وأتخيل الكعبة أمام عينيّ
والصراط تحت قدمي
والجنة عن يميني
والنار عن شمالي
وملك الموت ورائي
وأن رسول الله (صلى الله عليه واله وسلم) يتأمل صلاتي
واظنها آخر صلاة فاكبرالله بتعظيم
واقرأ بتدبر
واركع بخضوع
واسجد بخشوع
واجعل صلاتي الخوف من الله
والرجاء لرحمته ثم اسلم
ولا ادري هل قبلت ام لا ؟
- الكلام ده صعب علينا قوى
- حاولوا بقدر المستطاع .. ويكفيكم شرف المحاولة ..
ولا تيأسوا .. كلما تذكرتم هذه الكلمات .. عاودوا إستجلاب الخشوع من جديد
إجعلوا هتاف " الله أكبر " عند كل إنتقاله فى صلاتكم .. تجديد لخشوعكم
فالله أكبر دائما مما تفكر فيه
والله أكبر دائما من الأمر الذى سيجعلك تسرع فى صلاتك من أجل اللحاق به
هذا ما هديت إليه والحمد لله رب العالمين
انتم ايه رأيكم فى الموضوع دة ؟؟
- مين بيصلى بسرعه
- مين بيحاول يصلى صح
-مين بيصلى صح ؟